"Барселона" футболчиси adidas бутсаларида майдонга тушишга мажбур
20 дек 2018 18:45
Новости

"Барселона" футболчиси adidas бутсаларида майдонга тушишга мажбур

Голландия суди adidas ва "Барселона" ярим ҳимоячиси Рафинья Алькантара ўртасидаги ишни спорт кийими ишлаб чиқарувчи компания фойдасига якунлади.

Adidas футболчини шартнома шартларини бузгани учун судга берган эди. 2013 йилда Рафинья компания билан 5 йиллик битим имзолаган.

Ёзда ушбу келишув якунига етди, аммо adidas футболчи вакили билан боғлана олмади ва автоматик равишда битимни узайтирди. Рафинья эса улар билан боғланишмаганини маълум қилди.

Футболчи шартномани узайтиришни истамаганди, чунки жароҳат олган йилларда (2015-2017) компания уни етарли даражада қўллаб-қувватламаган экан.

Бироқ adidas билан тузилган битимда келишувни автоматик 5 йилга узайтириш банди бор эди.

Рафинья мавсумнинг катта қисмини Mizuno бутсаларида ўтказди, бундан ғазабланган adidas футболчини судга берди.

Суд қарорига кўра, Рафинья ҳар ўйинда ушбу компания бутсаларида тўп тепади ёки шартномани ҳар сафар бузгани учун 10 минг евродан жарима тўлайди.

Ссылка :

Источник : Football Espana

Получайте новости прямо в Telegram!

Рейтинг: +8