"Барселона" 17 ёшли ҳужумчига кўз тикди
08 фев 2023 13:15
Новости

"Барселона" 17 ёшли ҳужумчига кўз тикди

"Барселона" "Атлетико Паранаэнсе"нинг 17 ёшли бразилиялик ҳужумчиси Витор Рокега қизиқиш билдирмоқда.

Sport.es хабарига кўра, клублар ўртасида аллақачон илк алоқалар бўлган. "Барселона" ҳужумчини янги Луис Суаресга айланиш учун етарли салоҳиятга эга деб ҳисобламоқда.

Манбага кўра, "Барселона" президентининг маслаҳатчиси Деку ва "Атлетико"нинг техник координатори Луис Фелипе Сколари ўзаро яхши муносабатда бўлганлари, улар бир-бирини 20 йилдан кўпроқ вақт давомида билишлари трансферга ҳисса қўшиши мумкин.

"Барса"нинг Роке учун асосий рақобатчилари "Реал" ва АПЛ клублари саналади.

2022 йилда ҳужумчи "Атлетико Паранаэнсе" сафида барча мусобақалар доирасида 36 та ўйинда майдонга тушиб, 7 та гол урди ва 3 та голли узатмани амалга оширди. Унинг клуб билан келишуви 2027 йилнинг 31 майигача амал қилади.

Transfermarkt портали футболчини 11 миллион еврога баҳолаган.

Ссылка :

Источник : Sport.es

Получайте новости прямо в Telegram!

Рейтинг: +5