"Барса" Холандни сотиб олиши учун Месси маошининг камайишига рози

"Eurosport"нинг ёзишича, 33 ёшли футболчи маоши қисқартирилган янги шартнома имзолашга рози бўлган. Бундан мақсад - "Барселона"да "Боруссия Д" ҳужумчиси Эрлинг Холандни харид қилиш учун қўшимча пул пайдо бўлиши.

"Барса" президенти Жоан Лапорта Мессига клуб 20 ёшли норвегиялик билан музокараларни бошлашга тайёрлигини айтган ва аргентиналикдан клуб Холанд трансфери учун маблағ топишда ёрдам бўлиши сабаб маошини камайтирилишига розилигини сўраган. Месси эса рози бўлган.

Жамоа сардори томонидан бўлган бундай юришга қарамай, Холанднинг трансфери ҳақиқатга яқинлашиши учун "Барселона" яна қўшимча маблағ топиши даркор. Ҳозир Лапорта инвестиция фонди билан музокара олиб бормоқда. "Барселона"дагилар Холанд билан келишувга эриша олишларига ишонишмоқда.

Каталонияликлар бош мураббийи Роналд Куман учун марказий ҳужумда асосий вариант "Лион" форварди Мемфис Депай эди. Аммо, Лапорта клубда фақат "Боруссия" ҳужумчисини кўрмоқчи.

Жорий мавсум Месси ЛаЛигада 31та ўйин ўтказди ва 26та гол уриб, 9та голли пас берди.