"Барса" дўкони Левандовски фамилияси ёзилган либосларни сотишни тўхтатди. Нега?

Гап шундаки, дўконда "W" ҳарфи тугади.

Левадонвски ниҳоят "Барса" ўйинчисига айланди, аммо каталонияликлар бундай катта трансфернинг оммалашув кўламини олдиндан кўра олишмаган кўринишади. Дўкон сотувчиси унда чоп этиш учун махсус ҳарф қолмаганини айтди. Левандовски фамилиясида лотин тилида икки "W" борлиги сабаб, у тезда тугади.

"Барселона"да ҳозирда Робертдан ташқари "W" ҳарфи қатнашган исмли бир футболчи бор – Мартин Брэйтуэйт. Аммо, ҳужумчининг исми ёзилган футболка "Барса" фан-шопига борадиган мухлислар орасида жуда ҳам машҳур эмас.

Левандовскининг "Барселона"да ҳозирда Мемфис Депайга тегишли 9-рақамни олиши кутилмоқда.

Роберт "Барса"га "Бавария"дан 45 млн евро эвазига ўтди. Унинг каталонияликлар билан шартномаси тўрт йилга мўлжалланган.