"Барса" бир клуб таркибидан Жаҳон чемпионатига чақирув олган футболчилар сони бўйича рекорд қўйди

"Барселона" клуби Жаҳон чемпионатига ўз таркибидан рекорд даражада кўп ўйинчи жўнатади. Каталонияликлар таркибидан 17 нафар футболчи Жаҳон чемпионатида иштирок этади. Улар саккизта терма жамоа сафида тўп тепишади. 

Бир неча кун олдин бу рекордни Жаҳон чемпионатига 17 ўйинчи жўнатаётган "Бавария" қайд этиши кутилаётган эди. Бироқ, мюнхенликлар футболчиси Садио Мане жароҳати сабаб Жаҳон чемпионатида иштирок эта олмаслиги аниқ бўлди. Сенегал эса Садиони бошқа ўйинчи билан алмаштирди. Шундан сўнг, Испания терма жамоаси таркибида ҳам ўзгариш юз берди. Хосе Гайя жароҳати сабаб қайдномадан сўнгги паллаларда тушиб қолди. Унинг ўрнига эса "Барселона" ҳимоячиси Алекс Бальде испанлар таркибига жалб этилди. Шу тариқа, "Барселона" 17 нафар футболчисини Жаҳон чемпионатига жўнатиб, рекорд қайд этади.