Баркамол авлод-2017: Қашқадарё ва Фарғона терма жамоаси финалга йўл олишди

Футбол спорт турида саралаш босқичида муваффақиятли иштирок этган Қашқадарё, Тошкент, Фарғона ва Хоразм жамоалари Республика финал босқичи йўлламасига эга бўлганди.

Кеча  қуръа натижасига кўра, тўрт жамоа ярим финал ўйинларини ўтказишди.

Нурали Султонов бошчилигида қашқадарёлик ёш футболчилар хоразмлик тенгдошлари дарвозасига жавобсиз  беш бор ишғол этишди. Дилшод Саитов икки бор тўп киритиб дублга эришган бўлса, Ислом Кенжабоев, Худоёрхон Сағдуллаев ва Мирзабек Жониқуловларнинг биттадан киритган голлари ҳисобни йирик кўринишга олиб келди - 5:0.

Иккинчи ярим финалда Фарғона терма жамоаси Тошкент жамоаси устидан 2:0 ҳисобида зафар қучиб финалга чиқди. 27 май кун соат 9:00да финал учрашувида Қашқадарё ва Фарғона жамоаси футболчилари майдонга тушишади.  

Фахриддин Чориев.