"Balcom BMW Cup": Ўзбекистон U-19 - чемпион
14 авг 2015 11:02
Новости

"Balcom BMW Cup": Ўзбекистон U-19 - чемпион

Ўзбекистон U-19 ёшлар терма жамоаси Японияда ташкил этилган "Balcom BMW" халқаро турнирида чемпион бўлди.

Жасур Абдураимов бошчилигидаги терма жамоамиз "Хиросима" клубининг U-17 жамоасига қарши майдонга тушди. Учрашувда Ўзбекистон 3:1 ҳисобида зафар қучди.

Эслатиб ўтамиз, Ўзбекистон ёшлар терма жамоаси мусобақанинг илк турида Польша ёшлар терма жамоасини пенальтилар сериясига кўра мағлуб этишган эди. Иккинчи турда жамоамиз Япония ўсмирларини асосий вақтда мағлуб этишди. Турнир регламентига кўра асосий вақтдаги ғалаба учун 3, пенальтилар сериясидаги ғалаба учун 2 очко берилади.

Шу тариқа, Ўзбекистон U-19 ёшлар 8 очко билан мусобақада чемпион бўлишди.

"Balcom BMW Cup" халқаро турнири.
12 август. Хиросима, Япония.
Ўзбекистон - "Хиросима U17" 3:1