Баҳром Ҳайдаров: "Селекция ишлари ҳар бир жамоада мунтазам давом этади"

Ўйин ҳақида

- Бугунги назорат учрашуви футболчиларнинг жисмоний ҳолатларини синовдан ўтказиб олиш мақсадида ташкил этилди. Ҳар икки жамоа учун ҳам бугунги ўйинда навбатдаги тур учрашувларига тайёргарлик вазифасини ўтаб берарди. Биринчи бўлимда "Нефтчи" маҳорат бобида бир оз устунлик қилди. Шунга қарамай йигитлар рақибга кураш таклиф қила олишди. Иккинчи бўлим тенг курашлар остида ўтди.

- Жамоа дарвозабони Азизхон Исақов биринчи бўлимдаёқ алмаштирилди. Бу жароҳат билан боғлиқми?

- Йўқ, Исақов жароҳат олмади. Таркибимизда 3 нафар дарвозабон бор. Бугун уларнинг барчасига 30 дақиқадан ўйин амалиётини бердик. Бу аввалдан ўйланган режа эди.

- Ёзги трансферлар вақтида жамоага тўпурар ҳужумчи жалб этиш режаси борми?

- Ҳар бир жамоада селекция ишлари мунтазам давом этади. Бизда ҳам доимий ҳар бир чизиқ бўйича номзодларни ўрганамиз. Бизнинг ҳужумчилардан кучлироқ тўпурар топсак, жамоага жалб қиламиз.

- Бугун ёш футболчиларга ҳам имкон бердингиз. Улар кўрсатган ўйин ҳақида фикрингиз?

- Улар ҳали ёш. Шу каби ўйинлар орқали чиниқади ва тажриба тўплашади. Келгусида уларни яхши футболчи бўлиб етишишларига умид қиламиз.

Бекзод Толибов ёзиб олди