Баҳодир Насимов: "Иорданиядан кучли ўйнадик"
23 дек 2014 17:20
Новости

Баҳодир Насимов: "Иорданиядан кучли ўйнадик"

Ўзбекистон терма жамоаси ҳужумчиси Баҳодир Насимов Дубайдаги иккинчи йиғинга қўшилди.

Эроннинг "Падидеҳ" клуби вакили Иорданияга қарши ўртоқлик учрашувида иштирок этди. Биз Насимов билан ушбу ўйин ва навбатдаги икки баҳс ҳақида суҳбатлашдик.

- Терма жамоанинг Дубайдаги иккинчи йиғинига қўшилдингиз. Иорданияга қарши ўртоқлик учрашув ҳақида фикрларингиз?
- Иорданияга қарши ўртоқлик учрашуви эди. Мақсадимиз ғалаба қозониш эди. Менимча яхши ўйин бўлди. Рақибларимиз ҳам, биз ҳам Осиё Кубогига тайёрланаяпмиз. Биринчи бўлимда 3-4 вазиятдан фойдалана олмадик. Иордания эса деярли биринчи имкониятдан гол урди. Бутун ўйинни олсак улардан устунроқ ўйнадик деб ўйлайман.

- Олдинда сўнгги иккита ўйин кутиб турибди. Ироққа қарши баҳслар орқали Миржалол Қосимов Австралияга борадиган якуний таркибни аниқлаб олади...
- 25 ва 28 декабрь кунлари Ироққа қарши икки марта ўйнаймиз. Ироқ Иорданиядан кучлироқ бўлса керак. Уч нафар футболчининг Осиё Кубогига бормасилиги аниқ. Шу сабаб, Ироқ билан ўйинларда бор кучимиз билан ўйнаймиз. Албатта, гол уришга ҳаракат қиламан.

- Ҳозирги Ўзбекистон терма жамоаси Осиё Кубогида яхши натижа қайд этишга қодирми?
- Албатта, жамоа яхши ўйнамоқда. Мен Австралияга бораманми ёки йўқми, қитъа чемпионатида зафар қучиш вақти келди.

Нодирхўжа Юлдашев
Дубай

Ссылка :

Источник : championat.asia

Получайте новости прямо в Telegram!

Рейтинг: