Азиз Ибрагимов "Динамо", "Бухоро" ва МТЖ ҳақида

"Динамо"даги фаолиятимга келадиган бўлсак, Самарқанд жуда чиройли ва яхши шаҳар. "Динамо"нинг стадионидаги майдон чими яхши ҳолатда. Лекин "Динамо" раҳбариятида баъзи ўзгаришлар қилиниши керак деб ўйлайман. Мен "Динамо"даги фаолиятимдан қониқмадим. Клуб истиқомат қилган қароргоҳ жуда ёмон аҳволда эди. Ювиниш хонасида биттагина душ ишларди. Кир ювиш хонаси ҳам жуда ачинарли ҳолатда эди. Футболчилар ўз кирларини ўзлари ювишарди, бунинг учун эса анча узоқ навбат кутардик. Барча хоналарда ҳам кондиционерлар ишламасди. Умумий қилиб айтганда, клуб қароргоҳи ёмон аҳволда қолганди. Футболчилар раҳбарият қилиши лозим бўлган ишларни ўзлари бажаришарди. Ҳамма ўз ишини қилиши керак деб ўйлайман. "Динамо"да клуб раҳбарияти ўзгаришларга муҳтож. "Бухоро"да эса аксинча. Бухорода футболчиларга керакли бўлган барча шароитлар яратиб берилган. Ётоқхонада ҳам шароитлар яхши, симсиз интернетгача биз футболчиларга муҳайё этилган. Футболда майда нарсалар бўлмайди. Барча клублар аввало ҳақиқий профессионал бўлиши лозим деб ўйлайман", - дея ўз фикрларини билдирди Азиз Ибрагимов.

"Терма жамоамиз Самвел Бабаян қўли остида ҳар тарафлама яхши тарафга ўзгарди. Тактик жиҳатдан ҳам, бошқа ташкилий ишларда ҳам терма жамоамиз кучайди. Самвел Бабаян кучли мутахассис эканлигини исботлади. Бешта ўйин ва бешта ғалаба сўзларим исботи бўла олади", - дейди Азиз Ибрагимов.