Азиз Ибрагимов "Андижон"да

Куннинг иккинчи ярмида Андижонга тажрибали ярим ҳимоячи Азиз Ибрагимовни келишини хабар қилиб ўтгандик.
Кутилганидек кечги машғулотлар жараёнида Азиз Ибрагимов “Соғлом авлод” стадионига кириб келди. Бундан хурсанд бўлган бўлган мухлислар футболчини зўр олқишлар билан кутиб олишди. Чунки кўплаб ишқибозлар Ибрагимов “Андижон” таклифини қабул қилишини ўйламаганди. Уни бундай тарзда кутиб олишидан футболчининг ўзи ҳам мамнун бўлди.

Ибрагимов машғулотлар жараёнини кузатди ва ундан сўнг жамоа устози Сергей Шевченко билан суҳбатлашди. “Андижон”га келиши ҳақида Ибрагимов қуйидаги фикрларни билдирди.

- Охирги жамоам “Богемианс” билан шартномам ниҳоясига етаётганди. Бу орада мени Улуғбек Мирзаев “Андижон”га таклиф қилди. Бу йил “Андижон”ни 50 йиллик юбилейи бўлишини ва жамоа олдига олий лигада ўз ўрнини сақлаб қолиш вазифаси қўйилганини айтди. Қолаверса, жамоадаги вазиятни тушунтириб, янги мураббий ва ўйинчилар келганини айтди. Шу инсон туфайли “Андижон”га келдим. Худо хоҳласа, “Андижон”ни кучлилар сафида ўз ўрнини сақлаб қолишига қўлимдан келганча ёрдам бераман.