Азамат Абдураимов: "Муҳими 3 очкони қўлга киритдик"
20 сен 2019 21:30
Новости
![](https://championat.asia/upload/storage/519288_original.jpg)
![](/upload/storage/519288_220.jpg)
Азамат Абдураимов: "Муҳими 3 очкони қўлга киритдик"
Ўзбекистон U-16 терма жамоаси бош мураббийи Азамат Абдураимов ўйиндан сўнг қуйидагича фикр билдириб ўтди:
- Муҳими – биз бугун ғалаба қозондик, 3 очкони қўлга киритдик. Ҳеч бир ғалабага осонликча эришаётганимиз йўқ. Йигитларимизга мағлуб бўла туриб характер кўрсата олганликлари учун миннатдорчилик билдираман. Биз уларни жанговар руҳда ўйинга тайёрлашга интилган эдик. Зеро Туркманистон Ҳиндистонга ёки Баҳрайнга 0:5 ҳисобида мағлуб бўлиши мумкин. Лекин қўшни бўлганимиз сабаб биз билан ўйинда улар сўнгги сонияларгача кураш олиб боришди.
Бугун ўтган сафарги ўйин билан солиштирганда таркибда катта ўзгаришлар қилдик. Бундан кўзланган мақсад ўтган гал майдонга тушмаганларга ўйин амалиёти тақдим этиш ва етакчиларга дам олиш имконини бериш эди. Фақат 3 нафар йигитгина бугун ҳам майдонга тушди. Ҳимоя чизиғини тўла янгиладик. Қолаверса, бизда кичик жароҳатлар ҳам мавжуд, - деди мутахассис.
Похожие новости
![AMP Logo](https://championat.asia/image/logo-amp.png)
Комментарии