Азамат Абдураимов: "Бизга очко жуда керак эди"
06 апр 2014 18:37
Новости

Азамат Абдураимов: "Бизга очко жуда керак эди"

“Олмалиқ” ва “Андижон” жамоалари ўртасидаги учрашувдан кейин ўтказилган матбуот анжуманининг биринчи қисмида жамоамиз устози Азамат Абдуримов иштирок этиб ўйин тўғрисида фикрини билдирди.

- Аввало шуни айтишим керакки, Олмалиқда янги қурилган бу стадионда биринчи марта тўп сурдик. Дастлабки учта учрашувда сифатсиз майдонларда ўйнагандик. Бугун ажойиб майдонда тўп суриб футболчилар шунга яраша ҳаракат қилишди. Ўз навбатида “Олмалиқ” жамоаси ва мухлисларини мана шундай кўркам стадионга эга бўлишгани билан табриклайман.

Юртимизда шунга ўхшаш стадионлар кўпайса футболимиз янада ўсади. Ўйин ҳақида гапирадиган бўлсам, бугун ижобий натижа қайд этишимиз биз учун жуда муҳим эди. Ҳеч бўлмаганда дуранг ўйнашни мақсад қилгандик. Шу боис бугунги натижадан қониқиш ҳосил қилдим. “Олмалиқ” кучли рақиб эканлигини яхши билардик ва жамоа медаллар учун курашса бундан хайрон қолмайман. Шунинг учун бундай рақиб майдонида дурангга эришиш юқори натижадир. Боз устига бунгача учта учрашувда бирорта очко олмагандик. Бугун шогирдларим характер кўрсатиб охиригача курашишди. Бунинг учун улардан миннатдорман. “Олмалиқ”нинг кейинги ўйинларига омад тилайман.

Ссылка :

Источник : andijon-pfc.uz

Получайте новости прямо в Telegram!

Рейтинг: