Австралия аёллар терма жамоаси бош мураббийи: "Ўзбекистон терма жамоаси ўйинга яхши тайёргарлик кўрган экан"

- Бугунги учрашув ҳақидаги фикрларингиз?

- Биринчи навбатда Ўзбекистон терма жамоасига раҳмат айтаман. Терма жамоангиз бугун муносиб ўйин намойиш этди. Айниқса жамоангиз жуда яхши ҳимояланди. Менинг фикримча бугунги учрашувда кўпроқ гол уришимиз мумкин эди, бироқ ўзимиз яратган вазиятлардан унумли фойдалана олмадик.

- Бугунги ўйинга етиб келиш учун узоқ масофа босиб ўтдингизлар. Австралияда бўлиб ўтадиган ўйинда бугун майдонда ҳаракат қилган футболчиларга дам берасизми? Сабаби уларнинг жисмоний ҳолати бўйича муаммолар бўлиши мумкин.

- Яхши савол. Узоқ масофа ҳар доим қийинчиликлар туғдиради, аммо бизнинг кўпгина футболчиларимиз Европада ўйнашади. Австралияда бўлиб ўтадиган ўйинда мухлислар стадионни тўлдиришади ва бизни қўллаб қувватлаш туришига ишонаман.

- Икки учрашувдан иборат тўқнашувларда иштирок этиш қанчалик қийин?

- Бундай ўйинларда тажриба кўп нарсани ҳал қилади. Бугунги баҳсда биз дарвозамиздан гол ўтказмадик ва ушбу жиҳат бизга катта устунлик беради. Жавоб учрашувида ҳам ғалаба қозонишни мақсад қилганмиз.

Мэрри Фавлер

- Бугунги учрашув ҳақидаги фикларингиз?

- Ўзбекистон терма жамоаси бугунги учрашувга яхши тайёргарлик кўрган экан. Биринчи таймда гол ура олмадик ва шу сабабли бироз босим бор эди, аммо иккинчи бўлимда вазиятни тўғирлай олдик ва ғалаба қозондик.

- Бугун қорли об-ҳавода ўйнаш қанчалик қийин бўлди?

- Биз ушбу шароитга кўникишга ҳаракат қилдик. Европа ва Австралияда асосан иссиқ ҳаво бўлади ва қорли об-ҳавода ўйнаш бироз ноодатий ҳолат.