RU

Последние новости

22:55Суперлига. "Динамо" — "Андижон" ўйини 15 ноябрь куни ўтказилади  0 22:30"CAFA Nations Cup-2025". Тожикистон уйда Ҳиндистонга ютқазди   3 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  17 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  3 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  17 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  3 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  4 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  14 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11

Авазбек Ўлмасалиев: "Олдимда "Бунёдкор"дан ташқари таклифлар ҳам бор эди, лекин..." Новости

Авазбек Ўлмасалиев: "Олдимда "Бунёдкор"дан ташқари таклифлар ҳам бор эди, лекин..."

Айни дамда Тошкентнинг "Бунёдкор" клубида ўйнаётган фарғоналик футболчи Авазбек Ўлмасалиев ва "Нефтчи" мухлислари ўртасида мулоқот ташкилланди.

Мазкур мулоқот савол-жавоб кўринишида мухлислар эътиборига ҳавола этилмоқда.

- Авазбек, таклифимизни қабул қилиб биз билан мулоқотга киришганингиз учун миннатдорчилик билдирамиз. Айтингчи, нега ҳозирги кунда "Локомотив"дан кетдингиз?


- Эътибор учун, сизларга ҳам раҳмат. Ҳозир ҳам "Локомотив" футболчисиман, "Бунёдкор"да ижара асосида ўйнаяпман. Бунинг сабаби кийим алмаштириш хонасида жамоадошим билан тортишиб қолганим учун юзага келди. Ўйлаб кўриб ўзим ҳам буни истадим ва "Бунёдкор" вариантини танладим.

- "Нефтчи"дан кетишингизга нима сабаб бўлган?


- Ўшанда менинг олдимда Суперлига клубларидан таклиф бор эди. Оила аъзоларим билан келишган холда "Локомотив" вариантини танладик. Мақсадим келажакда кучли Европа чемпионатларида ҳам ўзимни синаб кўриш, бунга эришиш учун астойдил ҳаракат қилаяпман.

- Футболга кириб келишингиз жараёни қандай бўлган?


- Болалигимда онам мени футбол интернатига олиб борардилар. Кейинчалик машғулотларни акам билан олиб борганмиз. Биласизларми, ўшанда акам машғулотларни жуда ҳам қаттиққўллик билан ўтказардилар, тўғриси осон кечмаган. 15 ёшимда "Нефтчи" клуби билан шартнома имзолаганман. Шундан сўнг ёшлар жамоасида ўйнашни бошлаганман. Вадим Абрамов "Нефтчи" бош мураббийи этиб тайинлангач, 17 ёшимда мени асосий таркиб жамоасига жалб этган.

- Айтиб ўтганингиздек, ҳозир "Бунёдкор"дасиз. Нима учун бу клубни танладингиз, одингизда бошқа вариантлар ҳам бор эдими?


- Ҳа, менда вариантлар бор эди. "Бунёдкор"дан ташқари "Пахтакор", АГМК, "Андижон”, “Қўқон-1912" жамоалари мени ўз сафларида кўришни исташганди. Вадим Абрамов билан маслаҳатлашган холда "Бунёдкор" вариантини танладим.

- Фаолиятингизда энг ёдда қолган ўйинингиз ва урган голингиз қайси?


- Ҳали ёшман, насиб бўлса олдинда ўйинларим кўп. Лекин ҳозирда мен учун энг эсда қолган қадрли ўйин "Нефтчи" сафида "Машъал" билан ўтказилган учрашув деб ўйлайман. Энг қадрли гол ҳам айнан ўша ўйинда урган голим ҳисобланади.

- Сиз билан ишлаган мураббийлар ичида энг маъқул келганлари қайси?

- Вадим Абрамов ва Баҳром Ҳайдаров.

- "Нефтчи" клубига тилакларингиз қандай?


- Бу йилги мавсум якунида "Нефтчи" Суперлигага қайтишига тилакдошман. Жамоага фақат омад ва ғалабалар ёр бўлишини тилайман.


Онлайн мулоқот жараёнидан матнларни Бекзод Толибов ёзиб олди.

Рейтинг: +3   

Комментарии

championat.asia
< посмотреть последние новости
Яндекс.Метрика