"Атлетико"нинг "ажал"и яна клубга рўбаро келмоқда
13 дек 2021 22:14
Новости

"Атлетико"нинг "ажал"и яна клубга рўбаро келмоқда

Чемпионлар лигасининг 1/8 финалида "Атлетико" "Манчестер Юнайтед"га қарши майдонга тушади.

"Қизил иблислар" етакчиси Криштиану Роналдунинг "Атлетико"га қарши ўйинлари мухлисларнинг ёдидан чиқмаган бўлса керак.

Португалиялик форвард "матрасчилар" билан 35 маротаба тўқнаш келиб, 25 та гол урган.

Ҳужумчи "Реал" таркибида Чемпионлар лигаси финалида, Ла Лига ўйинларида, шунингдек, европанинг нуфузли турнирида "Ювентус" таркибида гуруҳ босқичи ва нимчорак финал баҳсларида "Атлетико"га қарши майдонга тушиб, жамоасининг муҳим голларини киритган.