RU

Последние новости

13:06Аёллар ОЧЛ гуруҳ босқичига қуръа ташланди: "Севинч" Эрон, Хитой ва Ҳиндистон жамоалари билан ўйнайди  0 12:49ЖЧ-2022 ярим финалчиси Ўзбекистон билан ўртоқлик ўйини ўтказмоқчи  4 12:20"Насаф" "Бухоро" дарвозасига 5 та тўп йўллаган баҳсдан ГАЛЕРЕЯ  1 11:55Аргентина ва Албания ирқчилик туфайли 6 хонали рақамдан иборат жаримага тортилди  3 11:19U-23 Осиё кубогига қуръа ташлаш санаси маълум  11 10:57"Реал" ва Испания терма жамоасининг собиқ футболчиси фаолиятини Гонконг чемпионатида давом эттиради  0 10:30Португалия футболи юлдузлари "Шон-шараф" залига киритилди  1 10:04МЮнинг яна бир футболчи фаолиятини Туркияда давом эттиришга яқин  1 09:38Опта ЕЧЛ ғолиблигига даъвогарлар рейтингини тузиб чиқди  8 09:10Холанд Молдовага урилган голлар учун дарвозабондан узр сўраган  5 08:43"Ал Иттиҳод" 20 ёшли сербиялик футболчига 21 миллион евро тўлади  3 08:16Суперлига. Бугун Қашқадарё дербиси бўлиб ўтади  0 07:44Криштиану Роналду яна бир совринга эга чиқди  8 01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0

"Атлетико" турли вазиятларга мослашувчан жамоа бўлишида ёрдам бераётган футболчи ҳақида Новости

"Атлетико" турли вазиятларга мослашувчан жамоа бўлишида ёрдам бераётган футболчи ҳақида

Маркос Льоренте сўнгги йиллар ичида "Атлетико"нинг энг муҳим футболчиларидан бирига айлана олди.

Унинг тезлиги, узоқ масофадан берадиган зарбалари, маҳорати ва универсаллиги жамоа ўйин вақтида рақибга қарши тура олиши, майдон марказида ярим ҳимоячиларнинг турли комбинацияларда ўйнашига имкон яратиб беришини таъкидлаш лозим. Бугун Испаниянинг энг яхши ҳужумкор ярим ҳимоячиларидан бири ҳақида суҳбатлашамиз.


"Атлетико"га ўтиш ва ярим йиллик мослашув жараёни

Маркос 2019 йил ёзида "Атлетико"га ўтди. У Томасга ўринбосар сифатида келган ва аввалига ҳаммаси шундай ҳам бўлганди. Льоренте камдан-кам ҳолларда асосий таркибда, кўпроқ захирадан майдонга тушарди. Очиғини айтадиган бўлсак, у таянч ярим ҳимоячи позициясида яхши ўйин кўрсатмади, рақамлар бунинг ёрқин исботи. Қолаверса, у Томасдан икки баробар кам майдонга тушди.

Маркоснинг ҳужумдаги ўйинидаги бурилиш нуқтаси сифатида "Энфилд"даги учрашув қаралади, аммо рақиб майдонидаги ҳаракатлар борасидаги потенциалини Льоренте айнан "Месталья"да "Валенсия"га қарши ўйинда (2:2) кўрсата бошлаган. Ўшанда Чоло илк марта Льорентени таянч ўйинчи сифатида эмас, ҳужумга яқинроқда ҳараат қилганди. Симеоне адашмади, ўша баҳсда Маркос ҳақиқий ҳужумчилар каби жарима майдонига ёриб кирди ва гол урди.


Маркос нафақат ҳужумда ўйинни ўқий олиш, балки жарима майдонига ёриб кириш ва зарбаларда ҳам ўсди

Шубҳасиз, Маркоснинг асосий маҳорати шундаки, у жарима майдонида доимий равишда ҳаракатланади, тез-тез рақиб жамоанинг чап қанотидан жарима майдончасига югуриб киради ва ўз тезлиги билан ҳимоячиларни янчиб ташлайди. Шунингдек, у корпус билан ҳам ажойиб ўйнаш қобилиятига эга. Бироқ Маркосни рақобатдошларидан ажратиб турадиган нарса фақатгина физика эмас. "Атлетико"да унинг янги қирралари кашф қилинди — узоқдан берилаётган ажойиб зарбалар, жаримадан гол уриши, масалан 2020 йили Маркос лигадагилар ичида жарима майдонидан энг кўп гол урган ўйинчи бўлди (5та).


Льорентенинг майдондаги гибрид роли ва унинг универсаллиги "Атлетико"га янада мослашувчан жамоа бўлишида ёрдам бермоқда

Льорентенинг ҳужумкорлик қобилиятлари намоён бўлганидан сўнг, мураббий Маркосни турли позицияларда синаб кўрди. Масалан, у майдон марказида ҳам, ярим ҳимоя қанотида ҳам, иккинчи ҳужумчи ролида ҳам ўйнаб кўрди. Аммо Льоренте ўнг қанот ярим ҳимоясида айниқса самарадорлик намойиш этди. Лекин унинг роли бироз ғайриоддий эди: иккинчи ҳужумчи ким бўлишидан (Феликс ёки Корреа) қатъий назар, улар билан тез-тез ўрин алмашарди. Ва бу унга рақибни чалғитиши ҳамда шерикларига кўмак беришида ас қотарди.

Ҳозир эса Симеоне Льорентени марказга ҳам қўйиши ва шу йўл билан ўта енгил ярим ҳимоя чизиғини ҳосил қилади Маркос, Коке ва Сауль. Льорентенинг жисмоний ҳолати ва Коке ҳамда Саулнинг ҳимояланишдаги фойдали ҳаракатлари марказдаги кентикни тўлдиради.

Шунингдек, Маркос талаб қилинса, жамоа мудофаасида жуда фойдали ўйинчи. У шерикларини қўллаб-қувватлаш учун маълум вақт муаммоли зонани ёпиши мумкин. Кейин кўп ўтмай ўз позициясига қайтиб олади. Статистика алдамайди. Льоренте тахминан 50 марта тўпни йўқотгач, ўз жамоасига қайтариб олиб берган.


Нозима Зарипова таржимаси

Рейтинг: +3   

Комментарии

championat.asia
< посмотреть последние новости
Яндекс.Метрика