"Атлетико" мухлислари Альвареснинг пенальтиси бўйича УЕФА эълон қилган кадрлар ҳақиқийлигини шубҳа остига олишмоқда
08 апр 2025 21:35
Новости

"Атлетико" мухлислари Альвареснинг пенальтиси бўйича УЕФА эълон қилган кадрлар ҳақиқийлигини шубҳа остига олишмоқда

"Атлетико" мухлислари УЕФАдан Хулиан Альвареснинг пенальти тепаётган вазиятининг видеосини сўраши мумкин.

"Реал" Чемпионлар Лигаси 1/8 финалида "Атлетико"ни мағлуб этди (2:1, 0:1, пенальтилар сериясида 4:2).

Ўйиндан кейинги 11 метрлик зарба сериясида "матрасчилар" ҳужумчиси Хулиан Альварес зарба беришдан олдин сирпаниб, тўпга икки оёғи билан тегиб кетди. У гол урган бўлса-да, бош ҳакам Шимон Марчиняк ВАР билан вазиятни муҳокама қилгач, голни бекор қилди.

COPE нашрининг хабар беришича, "Атлетико" мухлисларининг халқаро уюшмаси УЕФАдан Альвареснинг тўпга икки марта тегиниши акс этган эпизоднинг асл видео ёзувини талаб қилиш имкониятини кўриб чиқмоқда.

Таъкидланишича, ўтказилган экспертиза УЕФА эълон қилган видеолавҳа таҳрирланганини аниқлаган.

Ссылка :

Источник : COPE

Получайте новости прямо в Telegram!

Рейтинг: +6