"Атлетико Минейро"ни энди Пауло Аутуори бошқаради
21 дек 2013 15:27
Новости

"Атлетико Минейро"ни энди Пауло Аутуори бошқаради

Клублар ўртасидаги Жаҳон Чемпионати ярим финалида Марокашнинг "Раджа Касабланка" жамоасига мағлуб бўлган "Атлетико Минейро"ни энди Пауло Аутуори бошқарадиган бўлди, дея хабар бермоқда fussballportal.de нашри.

Манбада таъкидланишича, Бразилиянинг энг кучли жамоаларидан ҳисобланадиган "Минейро" раҳбарияти ЖЧ ярим финалидаги мағлубиятдан сўнг аввалги бош мураббий Кукани истеъфога чиқаришга қарор қилди. Унинг ўрнини осиёлик мухлисларга яхши таниш бўлган Пауло Аутуори эгаллайдиган бўлди.

Ҳали клублар ўртасидаги Жаҳон Чемпионати баҳслари якунига етмаган. "Атлетико Минейро" учинчи ўрин учун баҳсда Осиё Чемпионлар Лигаси ғолиби "Гуанчжоу Эвергранд" жамоасига қарши баҳс юритади. Ушбу учрашувда ҳам жамоа Кука қўл остида майдонга тушади. Шундан сўнг у Хитойга йўл олади ва фаолиятини "Шандон Луенг" жамоасида давом эттиради. "Атлетико" да эса унинг ишини Аутуори давом эттиради.

Аутуори 2013 йил январь ойига қадар Қатар миллий терма жамоасида бош мураббий бўлиб ишлаганди. Унинг сўнгги иш жойи "Сан Паоло" клуби бўлганди.

Ссылка :

Источник : fussballportal.de

Получайте новости прямо в Telegram!

Рейтинг: