"Астон Вилла" "Челси"га керак бўлмай қолган Стерлингни олиб келмоқчи
23 авг 2024 12:28
Новости

"Астон Вилла" "Челси"га керак бўлмай қолган Стерлингни олиб келмоқчи

"Астон Вилла" "Челси" вингери Раҳим Стерлингни таркибга қўшиб олиш борасида музокаралар олиб бормоқда.

29 ёшли Стерлингга "Челси" бош мураббийи Энцо Маресканинг режаларида ўрин йўқ, у аллақачон Раҳимга янги клуб топишни маслаҳат берган.

"The Guardian" нашрининг ёзишича, Стерлинг "Вилла Парк"да бошпана топиши мумкин. Бирмингем клуби айнан ҳужумкор футболчи қидирмоқда.

"Вилла" "Челси"да ҳафтасига 325 минг фунт маош оладиган Раҳимнинг маоши борасида келишувга эришса, Стерлингни ижарага олишга тайёр.

"Челси" ва "Вилла" бутун ёз давомида алоқада бўлиб турибди. Икки клуб Омари Келлиман ва Ян Матсеннинг трансферларини амалга оширишди, шунингдек, Конор Галлагер ва Жон Дуран бўйича музокаралар олиб боришди.

Ссылка :

Источник : The Guardian

Получайте новости прямо в Telegram!

Рейтинг: +2