Асрор Алиқулов: "Бугунги ўйинда асосан тезкорлик ва жараённинг боришига қараб қарши ҳужумни мақсад қилгандик"
22 авг 21:08
Новости

Асрор Алиқулов: "Бугунги ўйинда асосан тезкорлик ва жараённинг боришига қараб қарши ҳужумни мақсад қилгандик"

Про-лиганинг 17-туридан ўрин олган "Олимпик-MobiUz” - “Машъал" (0:1) учрашувидан сўнг меҳмонлар бош мураббийи Асрор Алиқулов матбуот анжуманида иштирок этди.

Ўйин ҳақида

- Мезбонларнинг ўйин услубини ўрганиб чиққандик. Шунга мос равишда тайёргарлик кўрдик. Бугунги ўйинда асосан тезкорлик ва жараённинг боришига қараб қарши ҳужумдан ҳам фойдаланишни мақсад қилгандик. Биринчи бўлимда ҳам вазиятларимиз бўлди, фойдалана олмадик. Иккинчи бўлимда йигитлар фаолликни оширишди, гол ҳам урдик. Бироқ, учрашувнинг сўнги қисмида ҳимоявий футбол кўрсатдик, чунки мезбонларнинг ўйини бизни шунга мажбур этди. Ғалаба билан жамоамиз аъзолари ва мухлисларни табриклайман. Кичик ҳисобда бўлса ҳам ғалаба қозонишни уддалай олдик.

- Захирадан ўйинга қўшилган футболчилар ўзларини унчалик ҳам кўрсата олишмади. Бунга нима сабаб бўлди деб ўйлайсиз?

- Улар чигалёзди машғулотларни яхши амалга оширмаган бўлишлари мумкин. Шунингдек, ўйиннинг боришига бир оз эътиборсизлик билан қарашди.

- Ғалаба қозонаётган бўлсангиз ҳам ўйинни асабий тарзда кузатиб бордингиз. Бунга қандай изох берасиз?

- Мезбонлар тажовузкор футбол намойиш этишади, битта хатодан унумли фойдаланиб кетишлари мумкин. Йиллар давомида машғулотларда ишлайсиз, лекин футболчилар оддий вазиятларда ҳам хатоликларга йўл қўйса, бу албатта асабийлаштиради.