Асрор Алиқулов: "Арал Самали" бўйдор ҳужумчилар эвазига ғалаба қозонди"

"Қорақалпоқ миллатига, Нукус шаҳрига бизни илиқ кутиб олишгани учун миннатдорчилик билдирамиз. "Арал" клубининг Про лигадаги илк ғалабаси билан табриклайман. Ўйин шиддатли бўлди. Рақиб сафида бўйдор футболчилар кўп, иккинчи қаватда уларда яхши имкониятлар бўлди. Бугунги мағлубиятга ҳимоячиларимизнинг ишончли ўйин намойиш эта олмагани сабаб бўлди деб ўйлайман. Бугунги мағлубият ўзимизнинг хатолардан кейин келиб чиқди", - дейди Асрор Алиқулов.

- "Арал Самали" ҳақида қандай фикрдасиз?
- Агар "Арал" кейинги ўйинларда ҳам шундай ўйнаса бошқа клублар билан баҳсларда анча қийналади. Сабаби бошқа жамоаларда тажрибали ва бўйдор ҳимоячилар кўп. Шундай экан кейинги ўйинларда "Арал" рақибларга қараб тактикани ўзгартириб борса керак.

- Ўйин сунъий майдонда ўтди...
- Учрашув сунъий майдонда бўлишини билардик. Футболчиларимизга майса бироз узунлигини уқтиргандик, тўпнинг ҳаракатини бир-иккита вазиятдан кейин билиб олса бўларди. Аммо бизнинг футболчиларнинг кўпи жуда ёш ва тажриба етишмади.

- Рақиб сафидаги қайси футболчини ажратиб кўрсата оласиз?
- Наврўзбек Алимов ва Азамат Алланиязовни жуда яхши танийман. Улар ҳимоячиларимизга тинчлик беришмади. Иккала бўйдор ҳужумчини алоҳида ажратиб кўрсата оламан. "Арал" ортга қайтмайдиган охиригача курашишини футболчиларимизга уқтиргандик.