Асосий фаолиятини ижарада ўтказаётган "Ливерпуль" форварди бу мавсум ҳам клубда қолмайди
06 авг 2019 23:35
Новости

Асосий фаолиятини ижарада ўтказаётган "Ливерпуль" форварди бу мавсум ҳам клубда қолмайди

«Ливерпуль»нинг нигериялик форварди Тайво Авоньи янги мавсумни ҳам бошқа клубда ўтказади.

21 ёшли ҳужумчи мавсум охирига қадар «Майнц»да ижара асосида ҳаракат қилади.

Мерсисайдликлар мазкур футболчи билан 2015 йилда шартнома имзолаган бўлиб, у асосий фаолиятини ижара асосида бошқа жамоаларда ўтказмоқда. Жумладан, Авоньи «Франкфурт», НЕК, «Мускрон-Перювельз» ҳамда «Гент» клубларида ҳаракат қилган.

Ўтган мавсум, Тайво Авоньи Бельгия чемпионатининг 38 баҳсида қатнашиб, 14+3 кўрсаткични қайд этди.

Айтиш жоизки, Авоньи Нигерия ёшлар терма жамоаси билан жаҳон чемпионлигини қўлга киритиб, қитъа биринчилигида зафар қучган.