Артета: "Арсенал" яна барчасини қийинлаштирди, "Сити"га қарши ўйин финал эмас"

"Канонирлар" кетма-кет учта ўйинда дуранг қайд этишди. 

Энди жамоа навбатдаги ўйинини "Манчестер Сити"га қарши ўтказади. 

"Албатта натижадан хурсанд эмасмиз. Биз яна ўз ишимизни қийинлаштириб юбордик. Бироқ хатолар - ўйиннинг бир қисми. Лекин футболчиларимнинг муносабатидан сўнг уларга меҳрим янада ошди. 

Бунга ақл бовар қилмайди. Кераксиз гол ўтказиб юбордик, биз ғалаба қозонишимиз керак эди. Етарлича вазиятлар яратдик, улардан фойдалана олмаганимиздан афсусдаман. АПЛда учта гол ўтказиб юбориш мумкин эмас. Акс ҳолда ютиш қийин бўлади. 

Ҳисобда ортда қолаётгандик, аммо футболчилар ҳар доимгидан ҳам кўпроқ ғалабани исташаётгандик. Уларнинг жанговар рухини кўрдим. Аммо биз ҳимояда ҳам яхшироқ ўйнашимиз керак. 

Лигадаги вазият ўзгармаган. Вазифа бироз қийинлашди, биз шунчаки ишни сифатли бажариб, хатолар сонини камайтиришимиз керак. Ўшанда ғалаба қозонамиз. "Сити"га қарши ўйин финал бўлмайди, чунки 6 та ўйин бор. Футболда шундай вазиятлар бўлиб туради, сен кераксиз пайтда хато қилиб қўясан. Аммо буни енгиб ўтиш керак", - деди Артета.