Артета – АПЛда январь ойининг энг яхши мураббийи
03 фев 2023 17:33
Новости
Артета – АПЛда январь ойининг энг яхши мураббийи
Янги йилнинг биринчи ойида Артета бошқарувида "Арсенал" учта ўйинда 7 очко тўплади. "Тўпчилар" 2003/04 йилги мавсумдан кейин илк бор чемпионлик учун курашаётган жорий мавсумда ушбу уч учрашув титул учун даъвогарларга қарши кечди.
"Тўпчилар"нинг мағлубиятсиз серияси 13 та ўйинга етди. Бу сўнгги 5 йилликдаги энг яхши натижа.
Испаниялик мутахассис ушбу совринни Пеп Гвардиоладан кейин қаторасига икки ой ўзиники қилган биринчи мураббийга айланмоқда. Бу жорий мавсумдаги учинчи ва умумий ҳисобдаги бешинчи соврин бўлди. Бир мавсумда энг кўп энг яхши мураббий бўлиб рекорд қўйиш эса Юрген Клоппга насиб этган. Унда битта мавсумда қўлга киритилган 5 та соврин мавжуд. Артета бошқарувидаги жамоа шундай ўйнашда давом этса, ушбу натижа такрорланиши ёки яхшиланиши ҳам мумкин.
40 ёшли мутахассис энг яхши мураббий бўлиш йўлида Стив Купер, Роберто Де Дзерби, Унаи Эмери ва Томас Франкни ортда қолдирди. Натижалар мухлислар ва экспертларнинг овоз бериш натижалари қўшилган ҳолда ҳисобланди.
Комментарии