"Арсенал"дан пул топишнинг ўзига хос усули: нега Руанда Лондон клубига йилига 10 млн фунт тўлайди?

Эътибор берганмисиз ёки йўқ, эслатиб ўтамиз: 2018 йилдан буён "Арсенал" футболчилари енгида "Visit Rwanda" ёзуви туширилган — ушбу "реклама" учун африкаликлар "канонир"ларга йилига 10 миллион фунт тўлашади. Африка давлатига яна бошқа қизиқарли бонуслар ҳам ваъда қилинган: мисол учун жамоа футболчиларининг Руандага ташрифи ва клуб мураббийларининг ушбу мамлакатда ташкил этиладиган ёзги футбол оромгоҳларида ўзига хос мастер-класслар билан иштирок этиши.

Лекин барчаси янада чуқурлашиб кетмоқда: шу кунларда "Арсенал" Руандада таваллуд топган 19-ёшли норвегиялик футболчи Жорж Льюисни харид қилди 

А сотиб олса, олибдида дейиш мумкин, лекин 19 ёшга тўлган "вундеркинд" Transfermarkt маълумотига ишонадиган бўлсак, катта футболда бор йўғи 5 та ўйин ўтказган, улар ҳам олий лигаларда эмас, иккинчи ва учиничи дивизионларда.

Қизиқарли фактлар давом этади. Ўзининг  собиқ жамоаси — "Фрам Ларвик"да Льюис умумий ҳисобда 4 (!) дақиқа ўйнаган ва бу Норвегиянинг учинчи даражали лигасида. 

Бошқа бир жамоаси — "Тромсдален" таркибида 3 учрашув ҳар бир ўйинда бир дақиқадан ва бу иккинчи лигада! Қахрамонимиз умирида 7 дақиқа футбол ўйнаган ва эътибор беринг, Лондоннинг "Арсенал"ига ўтди.

"Арсенал"га, бу ерда Сеск Фабрегас 18 ёшида "Реал"га қарши учрашувда, Испанияда нималар қилиб ташламаганди. "Арсенал"га бу мавсум асосий таркибнинг энг ёрқин футболчиларидан бири 18 ёшли Букайо Сака бўлган жамоага келди.

Айтишларича, Льюис аввалига U-23 жамоасида ҳаракат қилади. Бироқ унда уни сотиб олиб нима қилишарди?

Вингерлар билан Артета жамоасида муаммо йўқ — Льюис эса айнан вингер. Бу борада танлов шу қадарки, клуб тарихидаги энг қиммат трансфер Николя Пепе ҳам бир неча бор захира ўриндиғида қолиб кетди.

Умуман олганда, баъзи давлатларда трансфер орқали яширин пул олди-бердисини ҳам амалга оширишлари ҳақида эшитганмиз. Европада ҳам шуни замонавийроқ усулини топишган кўринади. Сиз бизга яхшигина пул тўлаб турсангиз, футболкамизда ёзувингиз ҳам бўлади, футболчи сифатида фойдаси тегмаса ҳам бирорта руандаликни сотиб оламиз.

Адашаётган бўлсак, хурсанд бўлардик. Лекин бундай футболчидан Сеск Фабрегас чиқиши мушкул вазифа. 

Нозима Зарипова таржимаси