"Арсенал" Салиба ва Патино билан шартномани узайтириш бандларини фаоллаштирди

Бу ҳақда журналист Фабрицио Романо хабар бермоқда. Лондон клуби ҳимоячи Вильям Салиба билан шартномани узайтирди. Эндиликда 21 ёшли Франция терма жамоаси ўйинчисининг янги битими 2024 йилнинг ёзига қадар мўлжалланган.

"Арсенал" шунингдек 19 ёшли ярим ҳимоячи Чарли Патино билан шартномани бир йилга узайтирди.

Салиба жорий мавсум лондонликлар сафида 18та ўйинда 2та гол урди. У Франция терма жамоаси билан ЖЧ-2022га борди, аммо Қатардаги турнирда фақатгина бир марта майдонга чиқди.

Ёш Патино эса ижара асосида "Блэкпул"да ўйнайди. У чемпионшипда 19та ўйинда 2та гол ва 2та ассист қайд этди.