“Арсенал” бош мураббийлигига жамоанинг икки нафар собиқ футболчиси даъвогар
17 мая 2018 23:35
Новости

“Арсенал” бош мураббийлигига жамоанинг икки нафар собиқ футболчиси даъвогар

“Арсенал” ва Франция терма жамоаси собиқ ҳужумчиси Тьерри Анри Лондон клуби бош мураббийлик лавозимини эгаллаши мумкин.

“Арсенал” раҳбарияти кейнги ҳафта бошида Анри билан музокарани бошлайди.

“Арсенал” бош мураббийлигига яна бир номзод сифатида жамоанинг бошқа бир собиқ футбочиси, айни пайтда “Манчестер Сити” бош мураббийнинг ёрдамчиси Микель Артета кўрилмоқда.

Анри 1999-2007 йилларда “Арсенал”да тўп тепган. “Канонирлар” сафида у икки марта Англия чемпионлиги ва мамлакат кубогини қўлга киритган.

2015/16 йилги мавсумда Анри “Арсенал”нинг ўсмирлар жамоасида мураббий сифатида ишлаганди. Аммо кейинчалик Арсен Венгер Анрига ТВ фаолияти (ўшанда Анри Sky Sports телеканалида эксперт сифатида ишлаган) ёки мураббийликни танлаши лозимлигини айтганида у жамоа билан хайрлашишга мажбур бўлганди.