Артур Геворкян: “Ғолиблар муҳокама қилинмайди”
25 июл 2018 00:22
Новости

Артур Геворкян: “Ғолиблар муҳокама қилинмайди”

Суперлиганинг 18-туридан ўрин олган “Нефтчи” - “Қизилқум” учрашуви (0:1)дан кейинги матбуот анжуманида ягона гол муаллифи Артур Геворкян ҳам иштирок этди.

“Қизилқум” сардори ўйиннинг 62-дақиқасида Элгужа Григалашвилининг тўп узатишидан сўнг Музаффар Абдуллаев қўриқлаётган дарвозани ишғол қилди.

- Ўйин шундай таассурот қолдирдики, унда биринчи бўлиб ҳисобни очиб олган жамоа ғалаба қозонар эди, - дея сўз бошлади туркманистонлик футболчи. - Ана шу вазифани биз уддалаганимиздан хурсандман. Лекин бу ғалаба осонликча қўлга киритилгани йўқ. Майдон эгалари ҳам яхши ўйин намойиш этишди.

Асосан ёш футболчилардан иборат жамоа аввалги ўйинлар билан таққослаганда тўпни назорат қилишни анчагина ўзлаштириб олибди. Уларда ҳам дарвозани ишғол қилиш учун имкониятлар юзага келди. Баъзи вазиятларда хатоларга ҳам йўл қўйдик. Аммо, айтишадику, “Ғолиблар муҳокама қилинмайди!”.