RU

Последние новости

01:49Миср олимпия терма жамоаси сардори БАА клубига ўтди  1 00:44"Рома" "Ювентус" футболчиси билан шартнома имзолади  0 00:16Париж-2024. Франция ва АҚШ чорак финал иштирокчиларига айланди  0 23:55"Пахтакор" ёшлар ўртасидаги Осиё чемпионини таркибга қўшиб олди  9 23:38ОКМК хорватиялик футболчи билан шартнома имзолади  5 23:28"Андижон"ни Эркинов тарк этди ва унинг ўрнига "Динамо" футболчиси қўшилди  1 23:10Париж-2024. Доминикан Республикаси - Ўзбекистон 1:1, Олимпиадани ғалабасиз якунладик  12 22:59ЦСКА легионер футболчисини Ўзбекистонга юборди  2 22:32Россия кубоги. "Рубин" "Акрон"ни тор-мор этди, Эсанов дебют қилди  2 22:15Париж-2024. Марокаш ва Аргентина плей-офф йўлланмасини қўлга киритди  3 22:02"Андижон" сербиялик футболчи билан шартнома имзолади  7 21:41"Насаф" "Атлетико Мадрид"да ўйнаган сербиялик футболчини таркибга қўшиб олди  9 21:24ОКМКни Қосимов ва яна икки нафар футболчи тарк этди  13 21:03Париж-2024. Миср Испанияни мағлуб этиб, гуруҳ пешқадами сифатида плей-оффга йўл олди  15 20:51Аббос Файзуллаев: "Олимпиадага ҳеч ким мағлубиятга учраймиз ёки гуруҳда қолиб кетамиз деган мақсадда келмайди"  25

Араб сайти Саудия Арабистони ҳақида илиқ фикр билдириб, Яман билан ўйиннинг 5 жиҳатига эътибор қаратди Новости

Араб сайти Саудия Арабистони ҳақида илиқ фикр билдириб, Яман билан ўйиннинг 5 жиҳатига эътибор қаратди

Саудия Арабистони миллий терма жамоаси ЖЧ-2022 саралаш босқичида Яман термаси устидан 3:0 ҳисобида зафар қучди.

Айни пайтда саудияликлар "D" гуруҳида 14 очко билан биринчи ўринда боришяпти. Жамоа 4 бор ғалаба қозониб, икки марта дуранг ўйнади. Тўплар нисбати 16-4. Arabnews.com сайти ушбу учрашув ҳақида мақола ёзиб, Саудия Арабистони иштирокига юқори баҳо берди ва 5та жиҳатга эътибор қаратди. 

1. Эрве Ренарнинг таъсири билиняпти

Навбатдаги жаҳон чемпионатига чиқиш учун Саудия Арабистони футбол федерацияси янги мураббийни таклиф этди. Франциялик мутахассис Эрве Ренар ЖЧ-2018да Марокаш термаси билан иштирок этган. Албатта, ҳар қандай янги мураббийга вақт керак. Эрве Ренар учун ҳам бошида осон бўлмади. Масалан, Баҳрайнда ўтказилган Яманга қарши биринчи ўйинда саудияликлар 2:2 ҳисобини қайд этишди. Бу ўзига хос сенсация бўлганди. Лекин иккинчи баҳсда унинг жамоаси 3:0 ҳисобида зафар қучди. Айтиш мумкинки, саудияликлар Ренар қўл остида ўйиндан ўйинга яхши ҳаракат қилишмоқда. Бу эса мураббийнинг ҳам яхши ишлаётганини кўрсатади.


2. Фаҳад Ал Мувалладнинг голи

"Ал Иттиҳод" футболчиси Фаҳад Ал Муваллад бир неча ойлик танаффусдан сўнг яна бош жамоага чақирилди. Айтиш мумкинки, 26 ёшли футболчи ҳатто допинг туфайли маълум муддат дисквалификацияни бошдан ўтказди. Унинг Яман термасига киритган голи жуда чиройли кўриниш олди. Ўйиндан кейин яманлик дарвозабон Муҳаммад Али Айаш гол ҳақиқатан чиройли бўлганини ва ўша пайт рақиб ўйинчиси дарвозага зарба беришини умуман кутмаганини айтиб ўтди.


3. Ўзбекистондан бўлаётган босим

Саудия Арабистони терма жамоаси ўз ўйинларини ютяпти, лекин иккинчи ўриндаги Ўзбекистон ҳам ғалаба қозониб пешқадамни тинмай таъқиб қилмоқда. Ўзбекистон терма жамоасида истеъдодли футболчилар кўп, лекин муаммо шундаки, улар ҳали жаҳон чемпионатига чиқмаган. Саудия Арабистони эса бу борада тажрибага эга ва бу нарса ўзаро ўйинларда ҳам кўринса керак.


4. Терма жамоанинг ўнг қаноти яхши кўриняпти

Саудия Арабистони терма жамоасининг аксар ҳужумлари ўнг қанотдан юзага келди. Бу ўринда Султан Ал Ганнамнинг ҳаракатлари алоҳида эътирофга лойиқ. 27 ёшли ҳимоячи жароҳат олган Муҳаммад Ал Бурайкнинг ўрнини муносиб ёпа оляпти. Яман билан баҳсда Султан Ал Ганнам ўнг қанотда тинмай ҳаракат қилди, бу эса рақиб футболчиларига анча бошоғриқ туғдирди. 


5. Яман ҳам анойи эмас 

Гарчи 0:3 ҳисобида ютқазган бўлса-да, Яман терма жамоасини ўта кучсиз деб бўлмайди. Бу жамоа гуруҳда охирги ўринда бўлгани билан кейинги икки учрашувда ғалаба қозонишга уриниб кўради. Яман термасининг навбатдаги иккита учрашуви Ўзбекистон ва Фаластинга қарши бўлиб ўтади. Яманликлар гуруҳ ўйинларини Фаластиндан юқорида тугатишни мақсад қилган, шундай экан жамоа қолган иккита ўйинда борини беради. 

Рейтинг: -13   

Комментарии

championat.asia
< посмотреть последние новости
Яндекс.Метрика