АПЛнинг 2019/20 йилги мавсумида қайси футболчига нисбатан энг кўп қоида бузилгани маълум бўлди

“Астон Вилла”нинг 24 ёшли ярим ҳимоячиси Жек Грилишга нисбатан АПЛнинг 2019/20 йилги мавсумида рақиблар 167 бор қоида бузишга мажбур бўлган. Бу лигадаги рекорд натижа ҳисобланади.

Грилиш ортда қолган мавсум АПЛда 36 та ўйинда қатнашиб, 8 та гол урди ва 6 та голли узатмани амалга оширди. Унинг хизматларига “Манчестер Сити” ва “Манчестер Юнайтед”дан қизиқиш бор.