АПЛда қўшимча захира имкониятидан фойдаланиш қоидаси жорий этилади

Манбага кўра, Англия чемпионати ушбу мавсумида футболчи ўйин вақтида бошидан жароҳат олган тақдирда қўшимча алмаштириш қоидаси синов тариқасида жорий этилади.

Шу тариқа, мураббий боши чайқалган футболчини захирага олиш имкониятига эга бўлади, гарчи жамоада ўзгариш қилиш имконияти қолмаган бўлса ҳам. Жамоалар ушбу қоидани суиистеъмол қилишига йўл қўймаслик мақсадида рақиб томонга ҳам қўшимча алмаштириш имкони берилади. Мазкур янгилик майдондаги хавфсизликни оширишга қаратилган.

Якуний қарор эса IFAB (Халқаро футбол ассоциациаяси кенгаши)нинг навбатдаги йиғилишида қабул қилинади.