АПЛ. "Челси" марказий ўйинда иродали ғалабага эришди ёхуд Контедан мастер-класс!

Муросасиз кечган баҳсда "Челси" футболчилари жами тўрт маротаба гол киритишди ва "Манчестер Сити" устидан 3:1 ҳисобида ғалаба қозонишди.

Аввалига Кэйхиллнинг автоголи эвазига ҳисобда олдинга чиқиб олган "Сити" биринчи бўлимни ўз фойдасига ҳал этганди. Аммо танаффусдан сўнг "Челси" Браво қўриқлаётган дарвозани уч бора ишғол этишга муваффақ бўлди.

Диего Коста, Виллиан ва Азарнинг голлари учрашув тақдирини ҳал этди.

Ўйинда катта ташаббус Хосеп Гвардиола жамоаси тарафида бўлганига қарамасдан, Антонио Конте бошқарувидаги "Челси" тактик жиҳатдан айёр ва ақлли ўйин кўрсатди ва муҳим беллашувда жуда қимматли 3 очкони қўлга киритди.

Шу тариқа "Челси" жамоаси Англия премьер лигасида пешқадамликни давом эттирди ва "Сити"дан 4 очкога узиб кетди.

АПЛ, 14-тур. Турнир жадвали.

Манчестер Сити – Челси 1:3

«Этихад Стэдиум»

Голлар: 1:0 – 45, автогол Кэйхилл, 1:1 – 60 Диего Коста, 1:2 – 70 Виллиан, 1:3 - 90 Азар.

Манчестер Сити – Браво, Отаменди, Стоунз (Ихеаначо, 78), Коларов, Сане (Клиши, 69), Фернандиньо, Сильва, Навас, Гюндоган (Туре, 76), де Брюйне, Агуэро.

Челси – Куртуа, Кэйхилл, Давид Луиз, Алонсо, Аспиликуэта, Канте, Мозес, Педро (Виллиан, 50), Фабрегас, Азар, Диего Коста (Чалоба, 85).

Огоҳлантиришлар: Отаменди (17), Канте (49), Навас (81), Чалоба (90), Фабрегас (90).

Четлатишлар: Фернандиньо (90), Агуэро (90).