Анвар Ҳожимирзаев: "Молиявий жиҳатдан кўра, роҳатланиб футбол ўйнашим муҳимроқ"

ПФЛ мавсум кашфиёти номини эълон қилди. Унга кўра, "Динамо" клуби аъзоси Анваржон Ҳожимирзаев Суперлигада йил кашфиёти деб топилди. Ҳожимирзаев совринни қабул қилиб олганидан сўнг ОАВ вакиллари билан мулоқот қилди.

- "Энг яхши футболчи" совринига ҳам даъвогар эдингиз. Ушбу номинацияда ҳам ғолиб бўлишни кутганмидингиз?

-  Имкониятлардан келиб чиқиб "Энг яхши футболчи" номинациясида ғолиб бўлишга ҳам умид қилгандим. Насиб қилгани шу экан. Кейинги мавсумда янада яхшироқ ўйин намойиш этиб, ушбу совринни қўлга киритишга ҳаракат қиламан.

- "Динамо"да қолишингизга нима сабаб бўлди?

- Клуб раҳбарияти ва Вадим Абрамов. Улар мендан жамоада қолишимни илтимос қилишди ва мен инсонийлик нуқтаи назаридан "йўқ" дея жавоб бера олмасдим. "Динамо" кўнглимга яқин жамоа бўлиб қолган.

- Сизга молиявий жиҳатдан "Динамо"дан кўра яхшироқ таклифлар бўлган, аммо сиз Самарқанд жамоасида қолишни афзал кўрдингиз? Тўғрими?

- Ҳа. Шаҳсан мен учун молиявий жиҳат унчалик ҳам муҳим эмас. Роҳатланиб футбол ўйнаш мен учун муҳимроқ. Ушбу жамоада ёрқин ўйин намойиш этяпман ва кейинги мавсумда ҳам шундай темпда давом этишни мақсад қилганман.