Анелька "Реал"даги Мбаппе ҳақида: "Унга қарасам, 25 йил аввалги ҳолатимни эслайман"

"Мбаппе жиддий босимга дуч келди. Ўйлашимча, унда руҳий томондан муаммолар мавжуд. Килиан ишлашда давом этиши ва сабрли бўлиши зарур. Клуб унга ишонч билдирди, орадан эса ҳали ярим йил ҳам ўтмади. Мбаппега қарарканман, 25 йил аввалги ўзимни кўргандек бўламан. Мен яқиндагина ЕЧЛни ютган "Реал"га келгандим. Клуб президенти бу трансферни жуда истаган, лекин жамоада менга жой топилмасди. Менда ҳам худди шундай муаммолар бўлган, фарқимиз мен ўшанда 20 ёшда эдим. Бу каби ҳолатларда сабрли бўлиш муҳим. Мен ўзимни кутишмаган кийиниш хонасига бориб қўшилгандим. Мавсум давомида эххе нималар бўлиб ўтмаган. Натижада, мен кетишга қарор қилганман. Килианнинг характери бошқача. У сабрли бўлишга, кутишга рози бўлиши мумкин".