Андрей Полховский: "Омадимиз келмагани учун ютқаздик"
12 фев 2016 20:52
Новости

Андрей Полховский: "Омадимиз келмагани учун ютқаздик"

Теги : Футзал

Осиё чемпионати 2-туридан ўрин олган Қирғизистон - Ўзбекистон учрашувидан кейинги матбуот анжуманида Андрей Полховский қатнашди.

"Бугун омадимиз келмади. Биринчи бўлим охирида гол ўтказиб юбордик. Иккинчи голда ҳакамнинг хатоси туфайли бўлди. Дарвозабон тўпни 5 сония тўпни ушлаб турмаганди. Бугун режаларимизни амалга оширдик. Умид қиламанки, учинчи турда Саудия Арабистонини мағлуб этамиз", - дейди Андрей Полховский.

- Нима учун прессинг ўхшамади?
- Биз билан сиз иккита ўйинни кўрдик шекилли, бугун айнан прессинг бизда яхши чиқдику. Иккинчи бўлимда яхши ўйнадик. Аммо омадимиз келмади.

- Ўйиндан қониқдим деяпсиз. Нега юта олмадингиз.
- Бугун омадимиз келмади. Битта уриб иккита ўтказганимиз учун ютқаздик. Илк дақиқада тўпни дарвоза устунига тегиши ҳам менга ёқмади. Рақиб 8 ой давомида мусобақага тайёргарлик кўрганди ва кўплаб ўртоқлик ўйинларини ўтказганди. Биз эса 5та ўртоқлик учрашуви ўтказдик холос.

- Саудия Арабистонига қарши ўйинга қандай тайёргарлик кўрасизлар? Ўша ўйиндаги ғалаба сизларга чорак финалга чиқиш учун етарли бўлади деб ўйлайсизми?
- Кўп нарса Ўзбекистон - Ливан билан ўйиндаги натижага боғлиқ бўлади. Ўзбекистон чорак финалга чиқиб бўлди, шу боис бир қатор ўйинчиларга дам берилиши мумкин. Буни билмайман. Биз ўзимиз Саудия Арабистонини ютишимиз керак. Қолгани омаддан. Ўйинга қандай тайёргарлик кўрамиз? Биз ҳар куни машғулот ўтказамиз, эртага ҳам машғулот бўлади.

Ссылка :

Источник : championat.asia

Получайте новости прямо в Telegram!

Рейтинг: +6