Андрей Микляев: “Африкалик футболчи биз учун бош оғриқ бўлди”

Ушбу баҳсда “темирйўлчилар” 3:1 ҳисобида зафар қучишди. Ўйиндан сўнг “Локомотив” клуби бош мураббийи Андрей Микляев тайёргарлик тўғрисида ўз фикрларини билдирди.

“Барча жамоаларга ўхшаб шогирдларим ҳам машғулотларда тинмай тер тўкмоқда. Айни дамда барча футболчилар тўлиқ таркиб билан машғулотда қатнашмоқда. Лекин жамоада Шерзод Файзиев ва Сервер Жепаров бироз бетоблиги сабабли машғулотларда қатнашмаяпти. Ҳозир бир икки африкалик легионер футболчи кўрикдан ўтмоқда. 21 декабрь санасидан йиғинни бошлаган бўлсак бугун биринчи ўртоқлик учрашувимизни “Олмалиқ” жамоасига қарши ўтказдик.

Икки африкалик футболчи тўғрисида айтадиган бўлсам, кўриниб турибдики иккиси ҳам футбол ўйнашни билади. Биз уларни ўйинини яна кузатамиз. Сунъий қопламали майдонда ўйин ўтказдик. Табиий майдон билан сунъий майдон ҳолати тубдан фарқ қилади. Гнохере Кризо ҳужумчи, бугун рақиблар дарвозасини икки бор ишғол қилди. Бу яхши, бошқаларда яхши таассурот қолдирди. Бошқа томондан биз учун бош оғриқ бўлди. Агарда гол урмаганида осон бўларди. Мана гол урди энди у ҳақида ўйлаб кўрамиз”, - дейди Андрей Микляев.

Жаҳонгир Сотволдиев