Андрей Канчельскис: "Навбаҳор" қолган 7та ўйинда 21 очко олмоқчи"

"Пахтакор"ни ғалаба билан табриклайман, менимча чемпионлик билан ҳам табрикласак бўлаверади. Албатта бугун улар ғалаба қозонишларини хоҳламагандик. Аммо аламли мағлубиятга учрадик. Биринчи даврада Тошкентда ўйнаган таркибдан 5 нафари бугун ўйнай олмади, бир футболчини алмаштирса бўлади, аммо 5 нафар бу жуда кўп. Шунга қарамай йигитларга раҳмат айтаман, улар майдонда борларини беришди. "Пахтакор"дек захира ўриндиғи бизда йўқ.

Биз тушиб қолган вазиятдан чиқиб кетиш учун ҳаракат қиламиз. Бугунги кунда таркибимиздаги бир қатор футболчилар ҳам жисмонан ҳам, руҳан тайёр эмаслар.

Обид Жўрабоевда жароҳат, Аббос Ғуломов узоқ муддатга сафдан чиққан, Азим Аҳмедовда ҳам кичик жароҳат бор эди. Мухлислар бугун "замена, замена" деб бақиришди, аммо кимни майдонга туширишим керак эди?

"Навбаҳор"дан кетганимдан кейин кўплаб таклифлар бўлди, улар қаторида Ўзбекистондан ҳам таклиф бор эди. Вилоят ҳокими "Навбаҳор" учун қайғуради. Эски гиналарни унутиш ва ишлаш керак.

Йил сўнггида "Навбаҳор"нинг кўплаб футболчилари билан хайрлашамиз. Олдинги мураббийнинг ўз қарашлари бор, менинг ўз қарашларим бор.

Олдинда 7та ўйин бор, йигитлар билан гаплашиб олдик ва ўз олдимизга бу ўйинларда жами 21 очко олишни мақсад қилиб қўйдик.

Бугун ҳакамлар томонидан йўл қўйилган жуда қўпол хатоларни кўрганим йўқ. Масалан, "Андижон" билан баҳсдаги ҳакамлик жуда ёмон бўлганди. Бугун эса ундай бўлмади ва ҳакамга эътирозим йўқ", - дейди Андрей Канчельскис.