"Андижон" мухлислари: "Машъал"дан қаеримиз кам?

Бу йил жамоамиз 50 ёшга тўлди. Бундан бир неча йил аввал "Пахтакор" ўз юбилейига атаб катта тадбир амалга оширган, китоблар, мухлислар учун атрибутикалар чиқарган эди. Қолаверса, Москвадан "Торпедо" жамоаси меҳмон бўлиб келган. 2 ноябрь куни "Машъал" ўз майдонида мухлислари учун 30 ёшга тўлишини нишонлаб берар экан. Бунинг учун махсус дастур ишлаб чиқилибди. Бизнинг жамоамиз ҳам роппа-роса 50 ёшга тўлди. Ярим асирлик тўйиимизни биринчи лигага равона бўлиш билан нишонлаяпмиз. Майли шунисига ҳам чидайлик, аммо битта тадбир ўтказса бўлади-ку? Ўз пайтида "Андижон"да мухлислар мехрини қозонган футболчиларни жамлаб туриб шоу қилиб  беринглар, биз шундан хурсанд бўлайлик. Йил бошида катта-катта вадалар берилди, ишондик, аммо ҳаммаси сароб бўлиб чиқди. Ёки бизга очиқчасига айтиб қўйинглар. Боиси олий лига тугашига ҳам икки тур қолди", - дейилади мухлислар мурожаатида.

П.С: Мазкур масала юзасидан "Андижон" раҳбарияти билан алоқага чиқамиз ва уларнинг жавобларини сайтимиз орқали сизларга тақдим этамиз.