Андижоннинг икки жамоаси Қозоғистондаги турнирнинг ярим финалида
04 мая 2018 07:39
Новости

Андижоннинг икки жамоаси Қозоғистондаги турнирнинг ярим финалида

Шу кунларда қўшни Қозоғистоннинг Шимкент шаҳрида 2006-2007 йилларда туғилган ўсмирлар ўртасида собиқ Иттифоқ меҳнат қаҳрамони Боранбек Шукурбеков хотирасига бағишланган футбол турнири бўлиб ўтмоқда.

Суратда: Фарҳод Ғофуров мураббийлигидаги Андижон ВФИМИ жамоаси

11 жамоа икки гуруҳга бўлинган ҳолда бош соврин учун кураш олиб боришяпти. Таъкидлаш жоизки, ушбу мусобақада республикамизнинг Андижон футбол академияси, Қибрай ҳамда Андижон вилояти футболга ихтисослаштирилган мактаб интернати жамоалари ҳам ўз омадларини синаб кўришмоқда. Энди гуруҳлар билан танишинг:

“А” гуруҳи: Арис-1 (Қозоғистон), Андижон футбол академияси (Ўзбекистон), Қозиюрт (Қозоғистон), Қибрай (Ўзбекистон), Қирғизистон ўсмирлар жамоаси, Сўзоқ (Қирғизистон)

“B” гуруҳи: Андижон вилояти футболга ихтисослаштирилган мактаб интернати (Ўзбекистон), Арис-2 (Қозоғистон), Чордара (Қозоғистон), Қорабулоқ (Қозоғистон), Тараз (Қозоғистон)

Ўз вақтида мамлакатимизнинг бир қатор клубларида тўп сурган Фарҳод Ғофуров бошчилигидаги Андижон вилояти футболга ихтисослаштирилган мактаб интернати жамоаси аъзолари барча учрашувларни қўтаринки кайфиятда ўтказиб, “B” гуруҳида биринчи ўринни қўлга киритишди. Андижон ВФИМИ – Арис-2 – 1:1, Андижон ВФИМИ – Чордара – 4:0, Андижон ВФИМИ – 3:0, Андижон ВФИМИ – Тараз - 1:0.

Маълумот учун, бугун мазкур турнирнинг ярим финал учрашувлари бўлиб ўтади. Арис-1, Арис-2, Андижон футбол академияси ҳамда Андижон ВФИМИ финал йўлланмаси учун кураш олиб боришмоқда.