"Андижон"нинг Анталия йиғини ниҳоясига етди

27 январь куни Туркиянинг Анталия шаҳрида режалаштирилган ўқув-машғулот йиғинига киришган андижонликлар 17 февралда мазкур тайёргарлик босқичини якунлади.

Аввалроқ хабар берилганидек, йиғин давомида 7 та назорат учрашуви ташкиллаштирилди. Эътиборингизга ана шу учрашувлар натижаларини ҳавола қиламиз.

31 январь
“Андижон” – “Чиксереда” (Руминия) – 0:0

3 февраль
“Андижон” – “Факел” (Россия) – 1:4
Жамоамиздан гол муллифи Шаҳбоз Эркинов (пенальтидан)

8 февраль
“Андижон” – “Волга” (Россия) – 0:4

12 февраль
“Андижон” – “Велес” (Россия) – 5:1
Голлар: Суҳроб Бердиев (дубль), Сардор Азимов, Нодари Кавтарадзе, Бобур Фарҳодов.

“Андижон” – “Самтредиа” (Грузия) – 0:0

15 февраль
“Андижон” – “Родина” (Россия) – 0:0
“Андижон” – “Петрокуб” (Молдова) – 0:0

Қолаверса, ташкилотчилар томонидан ушбу ўйинларга хорижлик малакали ҳакамлар тайинланди. Боиси, Анталияда ҳакамлар гуруҳлари ҳам йиғин ўтказишди ва уларни назорат қилувчи шахслар ўз вақтида таниқли реферилар бўлишган. 

Мисол учун Ульновскнинг “Волга” жамоасига қарши ўйинда россиялик машҳур Николай Левников инспекторлик қилди. “Самтредиа” билан бўлиб ўтган баҳсда эса россиялик яна бир таниқли собиқ ҳакам - Вячеслав Харламов инспектор вазифасини бажарди. “Петрокуб”га қарши кечган ўйинни қирғиғистонлик Баҳодир Қўчқоров шогирдлари бошқариб бордилар ва мазкур баҳснинг назоратчиси Артём Скопенцев эди.

"Бир сўз билан айтганда, “Андижон”нинг 21 кунлик хориж йиғини кўнгилдагидек кечди ва барча режалар амалга ошди. Жамоамизниг Анталия йиғини анча сермазмун ўтди. Футболчилар мураббийлар штабининг барча кўрсатмаларини бажаришди.
Бугун жамоа аъзолари Анталиядан тўғри Тошкентга парвоз қиладилар ва шу билан қисқа муддатли дам берилади. Ундан кейин эса жамоа янги мавсумнинг дастлабки ўйини учун тайёргарликка киришади", - дейилади клуб хабарида.