"Андижон": Раббим Ҳасанов сафдан чиқди

Гап шундаки, марказий ярим ҳимоячи Раббимжон Ҳасанов «Зомин» билан ўйин чоғида оёғидан жарохат олди. Кейинроқ шифокорларнинг аниқлашича Ҳасановнинг бармоғи қайрилгани маълум бўлди. Шундан Раббимжоннинг оёқ бармоқларига вақтинчалик гипс қўйилди.

Айни дамда футболчи машғулотларда иштирок эта олмаяпти. Катта эхтимол билан яқин иккита ўйинни ўтказиб юбориши кутилмоқда. Биз эса Ҳасановга тезроқ  жарохатлардан фориғ бўлиб, яна сафга қайтишини тилаб қоламиз.