"Андижон" клубининг янги базаси ишга туширилди

“Андижон” футбол клуби учун янги ташкил этилган машғулотлар базаси бугун фойдаланишга топширилди. 32 миллиард сўмлик лойиҳа асосида барпо этилган ушбу маскан Хўжаобод туманида жойлашган. Очилиш маросимида вилоят раҳбари - Андижон футбол ассоциацияси президенти Шуҳратбек Абдураҳмонов, ўзбек футболи афсонаси Биродар Абдурайимов, спорт шарҳловчилари Даврон Файзиев, Ҳайрулла Ҳамидов, “Андижон” жамоаси аъзолари ва мураббийлар штаби, шунингдек, бошқа кўплаб фаҳрий меҳмонлар иштирок этдилар.