Анчелотти Пике билан баҳслашув моҳиятини тушунтирди

Marca нашрининг мухбирлари италиялик мутахассис билан суҳбатлашиб, можаро сабабини аниқлашди. Маълум бўлишича, бу тортишув Пикенинг "ҳалол ўйин" спорт қоидаларига риоя қилмаслигидан келиб чиққан, рақиби жароҳат олганида испаниялик ҳимоячи тўпни майдон ташқарисига чиқариб юборишни истамаган.

"Винисиус жароҳат олиб ётган пайтда ундан тўпни чиқариб юборишини сўрадим. У эса "Барселона" ҳеч қачон бундай қилмайди деб айтди", — изоҳ берди Анчелотти.

Эслатиб ўтамиз, учрашувда "Реал Мадрид" 3:2 ҳисобида ғалаба қозонди, "қаймоқранглилар" финалда "Атлетико" – "Атлетик" жуфтлиги ғолиби билан тўқнаш келади.