Анчелотти ЕЧЛ финалида "Реал" дарвозасини ким қўриқлаши ҳақида гапирди

Унда "Реал" ва "Боруссия Д" жамоалари ўзаро баҳс олиб боради. Ҳал қилувчи беллашув олдидан мадридликлар устози Карло Анчелотти финалда дарвозани ким қўриқлаши ҳақида гапирди.

"Посбонларимизнинг иккаласи ҳам финалда ўйнашга муносиб бўлишди. Лунин ажойиб ўйин намойиш этмоқда, Куртуани эса қай даражада эканлигини ҳаммамиз биламиз. Ўйлашимча, якуний қарорни ўйиндан олдин қабул қиламан. Уларни биттаси майдонга тушади, иккинчиси захирада ўтиради - шуниси аниқ.

Лунин зўр мавсумни ўтказмоқда. Бугун унинг иссиғи чиқди, лекин шанбага у тикланади. Плюс бизда дунёнинг энг зўр дарвозабони (Куртуа) ҳам бор.

Менга тортишувларни эшитиш ёқади (ким ўйнаши ҳақидаги). Бу ҳафта мен уларни эшитаман ва ўз ишимни қиламан. Бу менга ёқади, агар ким ўйнашини айтиб қўйсам тортишувлар тўхтаб қолади", - деди юзида табассум билан Анчелотти.