Анасхон Раҳматов: "Осиё чемпиони бўлиш учун охиригача ҳаракат қиламиз"

Қийин ва муҳим ўйинда вакилларимиз 3:2 ҳисобида ғалаба қозониб, гуруҳ пешқадамлигини мустаҳкамлашди. Ўйиндан кейин терма жамоамиз сафида гол урган Анасхон Раҳматовнинг фикрларига қулоқ тутдик. 

"Тўғриси, Тожикистон билан ўйин жуда қийин кечди. Иккинчи таймда ҳисобдан келиб чиқиб бироз хотиржамликка берилдик. Бу эса бизнинг зараримизга ишлади. Бироқ жамоамиз билан муҳим ғалабани қўлга киритдик.

Иккинчи голдан кейин бизда ҳеч қандай саросима ҳолати кузатилмади. Биз ўз кучимизга ишонардик ва ғалаба билан баҳсни тугатишга ишонгандик.

Гуруҳнинг 3-турида Баҳрайн билан жуда қизиқарли баҳс кутиб турибди. Ушбу беллашувда ҳам биз ғалаба учун майдонга тушамиз.

Худо хоҳласа, биз Осиё чемпионатида фақат ғолибликни мақсад қилганмиз. Бу мақсад учун астойдил ҳаракат қиламиз", – дея фикрларини якунлади Раҳматов.