Ана холос! Депай “Барселона”га эмас, “Милан”га ўтиши мумкин

Жанлука ди Марцио хабарига кўра, “Лион” “Милан” билан Лукас Пакета трансфери юзасидан музокара олиб бормоқда. Лионликлар Пакетани ўз сафига қўшиб олиш учун, “Милан”га Мемфис Депайни беришга тайёр. “Лион” “россонерилар” сўраётган 25 млн евронинг ўрнига Депайни бериб, трансферни ҳал қилишни режа қилган.

Эслатиб ўтамиз, аввалроқ Депайнинг “Барселона” билан шахсий шартнома борасида келишувга эришгани хабар қилинганди.

Маълумот учун, Пакета ўтган мавсум “Милан” сафида 27 та ўйинда қатнашиб, 1 та голли узатма берган. Депай эса Лига 1 нинг 22 та ўйинида 15 та гол урган ва 2 та голли узатма берган.