“Амкар” “СКА-Хабаровск”ни мағлуб этиб, сўнгги ўринни тарк этди
25 сен 2017 22:16
Новости

“Амкар” “СКА-Хабаровск”ни мағлуб этиб, сўнгги ўринни тарк этди

Пермнинг “Амкар” клуби Россия Премьер-лигасининг 11-тури доирасида “СКА-Хабаровск” жамоасини қабул қилди.

Пермдаги “Звезда” стадионида ўтган учрашувда майдон эгалари йирик 3:0 ҳисобида ғалаба қозонишди. “СКА-Хабаровск” кетма-кет 5 та ўйинда дуранг натижа қайд этганди. Бугун ушбу серияга мағлубият барҳам берди.

“Амкар”нинг голларига 38-дақиқада Януш Гол, 84-дақиқада Дарко Бодул, асосий вақтга қўшиб берилган учинчи дақиқада Павел Комолов муаллифлик қилди.

Бугунги ғалабадан сўнг “Амкар” сўнгги ўринни тарк этди. Пермликлар 11 очко билан 11-ўринга кўтарилиб олишди. “СКА-Хабаровск” эса 8 очко билан 15-поғонадан жой олган.

Ссылка :

Получайте новости прямо в Telegram!

Рейтинг: +2