Амир Ғалинои: "Ўзбекистон ўсишга эришди. Бизга чарчоқ таъсир ўтказди"

"Сўнгги сонияларга қадар қўллаб-қувватлагани учун мухлисларга миннатдорчилик билдираман. Шогирдларимга ҳам алоҳида раҳмат айтмоқчиман. Гонконгга қийин шароитда 20 соатлик парвоз амалга оширди, бу кўпчилликка ўз таъсирини ўтказди. Қолаверса, чемпионат якунига етиб, кўпчилик таътилга чиққанди. Шунга қарамай, ҳар икки ўйинда бор кучини намойиш этган футболчиларга ташаккур изҳор қиламан. Биринчи бўлимда яхши ўйнай олмадик, бунга чарчоқ сабаб бўлиши мумкин. Иккинчи бўлимда эса вазиятларни голга айлантира олмадик. 

Биз яхши ўйнадик, бироқ кейинги босқичда бундан яхшироқ ўйин намойиш этишимиз керак. Ўзбекистонни сўнгги йилларда футболга яхши сармоя киритиб, салмоқли натижаларга эришаётганини айтиб ўтиш жоиз. Ўзбекистон ўсишга эришди. Эронда тўп тепаётган икки нафар футболчи чемпион ва вице-чемпионга айланди", — деди эронлик мутахассис.