Америка Кубогини ўтказиб юборадиган 10 нафар юлдуз

Жанубий Америка қитъасининг энг нуфузли турнирида баъзи сабабларга кўра иштирок эта олмайдиган футболчилар билан танишинг.

10. Паоло Дибала. Таркибида Месси, Игуаин, Агуэро, Тевес каби ҳужумчилар бўлган Аргентина терма жамоасида Дибалага жой топилиши қийин.

9. Паулиньо. Бразилия терма жамоаси бош мураббийи Дунга "Тоттенхэм" футболчисини турнирга чақирмасликни маъқул кўрди

8. Диего Форлан. 5 йил олдинги ЖЧда у ажойиб голлар киритиб, жамоасининг ярим финалга етиб боришига ҳиссасини қўшганди. Бироқ, у айни пайтда 36 ёшда ва Уругвайда ҳам кучли, ёш ҳужумчилар етишиб чиқмоқда

7. Энцо Перес. Аргентина бош мураббийи "Валенсия" футболчисини терма жамоага жалб этмасликка қарор қилди

6. Мартин Касейрес. Футболчи жароҳати сабабли турнирни томошабинлар қаторида кузатади

5. Алекс Тейшейра. "Шахтёр"нинг иқтидорли футболчиси ҳам Дунга назаридан четда қолди

4. Налдо. Иқтидорларга бой бўлган Бразилияда Налдо каби футболчиларга жой топилмаслигини одатий ҳол десак ҳам бўлаверади

3. Оскар. "Челси" аъзосининг йўқлиги ҳам бразилияликлар учун бошоғриқ бўлиши тайин.

2. Дани Алвес. "Барселона" футболчисининг Бразилия терма жамоаси учун фойдаси тегиши аниқ эди. Бироқ, мураббий кутилмаганда уни таркибга киритмади

1. Луис Суарес. Уругвайлик футболчининг дисквалификацияси ҳали ўз якунига етмаган. Бу эса терма жамоанинг имкониятларини кескин пасайтириб юборади

Ҳориж сайтлари асосида Азиз Тўхтамуродов тайёрлади